Ministri i Shtetit për Europën i Gjermanisë, Michael Roth ka apeluar para samitit që pritet të zhvillohet sot në Luksemburg, që të hapen negociatat për Shqipërinë.
“Hapja sa më shpejt të jetë e mundur e bisedimeve të anëtarësimit me Maqedoninë e Veriut dhe Shqipërinë është jetike”, deklaron ministri gjerman Roth.
Roth ka theksuar se “BE duhet të mbajë premtimet e saj”.
Ministrat e Jashtëm të vendeve të BE pritet që sot të japin vendimin lidhur me hapjen e negociatave për anëtarësim të Shqipërisë dhe Maqedonisë së Veriut.
