Turizmi në Shqipër është një fuqi potenciale që ndikon drejtpërdrejt në qëndrueshmërinë ekonomike dhe pse jo edhe në rritjen e saj.
I ofruar në të gjitha varacionet, si në atë dimëror, malor bregdetar, etj, ndikon që ekonomisë shqiptare t’i shtohen sasi të konsiderueshme të ardhurash.
Ja çfarë shkruan italiania”Turismo.al”: Numri rekord i turistëve në vitin 2018 solli një hyrje të të ardhurave bruto prej 1.85 milardë eurosh në ekonominë shqiptare. Në fillim të vitit të kaluar, ministria e turizmit të Shqipërisë paraqiti një strategji të re pesëvjeçare me qëllim transformimin e sektorit në zhvillim në një faktor kyç të zhvillimit të qëndrueshëm të ekonomisë, duke rritur kapacitete e punësimit, çka do të thotë se në vitin 2027 sybohet që 1 në 3 persona të jetë i punësuar në sektorin e turizmit.
Artikulli i plotë:
Numri rekord I turistëve në vitin 2018 solli një hyrje të të ardhurave bruto prej 1.85 milardë eurosh në ekonominë shqiptare. Duke krahasuar të dhënat e vitit 2018 me ato të vitit 2017, ne mund të shohim një rritje prej 9%: në fakt, ne kemi shkuar nga 1.7 miliard euro në vitin 2017 në 1.85 miliardë euro në vitin 2018.
Vetëm në tremujorin e tretë të vitit 2018 (korrik-gusht-shtator), sipas të dhënave nga Banka Qendrore, sektori i turizmit regjistroi një fitim rekord bruto prej më shumë se 683 milionë euro, një rritje prej 16% krahasuar me një vit më parë.
Megjithatë pavarësisht vlerës rekord të fituar në sektorin e turizmit është e nevojshme të marrim në konsideratë edhe shuma e shpenzuar nga shtetasit shqiptar për pushimet e tyre jashtë vendit.
Si rezultat, vlera neto e kontributit të sektorit të turizmit në ekonominë e vendit arrin në rreth 430 milionë euro (një shifër që merret duke zbritur vlerën bruto të turizmit të ardhur nga ai i turizmit dalës). Megjithatë, këto shifra janë të rëndësishme dhe konfirmojnë trendin në rritje të turizmit në Tokën e Shqiponjave.
Turizmi, strategjia për 4 vitet e ardhshme
Në fillim të vitit të kaluar, ministria e turizmit të Shqipërisë paraqiti një strategji të re pesëvjeçare me qëllim transformimin e sektorit në zhvillim në një faktor kyç të zhvillimit të qëndrueshëm të ekonomisë, duke rritur kapacitete e punësimit, çka do të thotë se në vitin 2027 sybohet që 1 në 3 persona të jetë I punësuar në sektorin e turizmit.
Diversifikimi i ofertës turistike, përmirësimi i cilësisë së shërbimeve përmes zhvillimit të burimeve njerëzore, promovimi i Shqipërisë si destinacion për tërë vitin, tërheqja e investimeve private dhe publike dhe menaxhimi i destinacioneve janë pesë prioritetet në strategjinë 2018-2022.
Strategjia parashikon që kontributi i drejtpërdrejtë i industrisë së turizmit në PBB do të rritet deri në 10%, në rreth 1.8 miliardë euro deri në vitin 2022, dhe numri i turistëve në mbi 6 milionë në vit.
Përgatiti: AlpeNews.al
