Presidenti i Rusisë, Vladimir Putin, ka thënë se ka qenë pjesë e vendimmarrjes kur forcat ruse pushtuan Aeroportin e Prishtinës pas hyrjes së forcave të NATO-s në Kosovë.
Ngjarja ndodhi në 12 qershor 1999, kur forcat ruse hynë të parat në aeroport dhe refuzuan të largoheshin pavarësisht ndërhyrjes së NATO-s.
Putin thotë se kishte dhënë mendimin e tij për këtë ndërhyrje, duke u thënë se mund ta pushtojnë aeroportin e Prishtinës nëse një veprim i tillë është i përshtatshëm.
“Kjo është ajo që unë i thashë: Nëse mendon se është e përshtatshme, bëje atë”, tha Putin.
”Unë kam qenë atëherë sekretari i Këshillit të Sigurisë. Shefi i Shtabit të Përgjithshëm, atëherë gjenerali Anatoly Kvashnin, u afrua tek unë dhe më tha që ekzistonte një ide për të pushtuar këtë aeroport. Kur e pyetën – Pse? ” “Ishte e qartë se ne do të duhet të largoheshim prej atje një ditë, por do të kishim diçka për të negociuar”, ka thënë Putin për televizionin Rusia 1.
Forcat ruse u larguan nga Kosova më 2 korrik të vitit 2003 pasi kishin shkaktuar disa skandale dhe dhunime në vendet ku kishin shërbyer.
