Që kur ka marrë detyrën e kryeprokurores së përkohshme e deri më sot, Kryeprokurorja Arta Marku ka shkarkuar dhe larguar nga detyra 6 prokurorë.
E nisi me Prokuroren Rovena Gashi, dhe i fundit i larguar për sot ishte Prokurori i Durrësit, Agron Gjana.
Nga fillimi e deri tani këto janë të gjithë të shkarkuarit e Kryeprokurores, Arta Marku dhe personat me të cilët janë zëvendësuar:
Rovena Gashi, është e larguara e parë nga Kryeprokurorja Arta Marku.
Më pas Petrit Fusha dhe në vend të tij është vendosur Dritan Rreshka. Pas largimit nga Prokuroria e Tiranës, Petrit Fushaj do të ushtrojë detyrën e tij në Prokurorinë e Përgjithshme, në sektorin e Dekriminalizimit.
Agron Gjana, Drejtues i Prokurorisë së Rrethit Gjyqësor Durrës, largohet nga kjo detyrë dhe caktohet në pozicion të përkohshëm si prokuror në Prokurorinë e Rrethit Gjyqësor Pukë. Drejtues i Përkohshëm i Prokurorisë së Rrethit Gjyqësor Durrës, caktohet Donika Prela, aktualisht prokurore pranë kësaj prokurorie.
Dritan Gina (bashkëshorti i Rovena Gashit), Drejtues i komanduar i Prokurorisë së Rrethit Gjyqësor Elbasan, i ndërpritet komandimi dhe kthehet si prokuror në Prokurorinë ku është i emëruar. Drejtues i Përkohshëm i Prokurorisë së Rrethit Gjyqësor Elbasan, caktohet prokurori, Ardjan Nezha.
Prokurori i Fierit, Pali Deçolli, iu ndërpre komandimi dhe tashmë ai kthehet si prokuror në Prokurorinë ku është i emëruar. Drejtues i Përkohshëm i Prokurorisë së Rrethit Gjyqësor Fier, caktohet prokurori, Fatmir Lushi.
Artur Ismailukaj, Drejtues i Prokurorisë së Rrethit Gjyqësor Kukës, i ndërpritet komandimi dhe kthehet si prokuror në Prokurorinë ku është i emëruar. Drejtues i Përkohshëm i Prokurorisë së Rrethit Gjyqësor Kukës, caktohet prokurori, Alketa Nushi.
