Nga studioja e lajmeve, gazetarja Nisida Tufa Knezi u ul në kolltukun e Rudinës për të folur për punën dhe jetën private. E si për çdo të ftuar edhe për Nisidën kishte një surprizë. Babai i saj i dërgoi një video mesazh, ku e falenderoi për gjithçka. “Faleminderit që ma shpërbleve mundin dhe djersën”, i tha ai, duke na kujtuar të gjithëve prindërit tanë. Nisida nuk i kurseu as lotët dhe as detajet interesante të jetës së saj personale.
Ajo foli për njohjen me bashkëshortin, IT në profesion e që dikur punonin bashkë. U rrëfye edhe për djemtë e saj, Enio 7 vjeç dhe Jonin 5 vjeç. “I dua shumë vajzat, por seksi i djemve nuk ishte surprizë për mua. E kam ditur gjithmonë që do isha mama çunash”, tha Nisida. Nuk foli vetëm për burrat, por edhe për gratë e familjes. Për të ëmën që e kishte shembull dhe për të motrën, 6 vjet më të vogël, e që kishte ecur përherë në gjurmët e saj.
Kjo ishte e gjithë familja e saj, e përshkruar në pak minuta.