Kryetari i bashkisë së Tiranës, Erion Veliaj deklaroi në një intervistë për emisionin “45 Minuta” të drejtuar nga Denis Minga në Report Tv se me apo pa opozitën, Partia Socialiste do të futet në zgjedhjet lokale të 30 qershorit. Ai tha se, as PD-ja nuk e di aktualisht se cfarë do të bëjë, pasi vendimi merret në Moskë.
“Me shumë gjasa e di dikush në Moskë nëse do të marrë PD-ja pjesë në zgjedhje apo jo. Kjo është e vërteta. Përsa kohë që investigimet në Amerikë, thonë se një kompani ruse bën pagesë të partisë Demokratike. Dhe nëse lekët vinkan nga Moska dhe Basha refuzon që të shkojë në prokurori. Një parti që financohet nga para ruse, mesa duket në Moskë u vendoska, duhet të pyesim Moskën nëse PD-ja do të marrë pjesë në zgjedhje” tha Veliaj.
Përsa i përket marrëdhënieve me Edi Ramën, ai tha se janë shumë të mira, ndërsa ‘thumboi’ opozitën duke thënë se shpreson që të zihet kryetari i bashkisë me kryeministrin për të përfituar. Veliaj theksoi se është gati jo vetëm prë mandatin e dytë në krye të bashkisë së Tiranës, por edhe për një të tretë nëse qytetarët do i besojnë drejtimin.
Nëse do të ishin anti sistem pse nuk e japin dorëheqjen nga Shkodra, Kamza apo Vora? Hipokrizia është shumë e madhe. Kur fitojnë lojën e duan pushtetin, kur humbasin thonë anulim loje. Sa mbaron eskursioni duhet të bëjmë pastrimin në Tiranë. Këto janë ngërce të vogla, nuk kemi krizë, javën tjetër në parlament do të kalojë edhe 100-ja (numri i deputetëve). Pra është halli i tyre, dikush nuk merr vizën…” tha ai.
Veliaj u shpreh i vendosur për vijimin e projektit të Unaza e Re, pavarësisht protestave të një grupi banorësh që kanë banesat pa leje dhe kërkojnë dëmshpërblim të plotë. “Nuk ka kthim, kush ka tokën do të marrë paratë, apo banesën me letra dëmshpërblimin, kush nuk ka asnjë letër nuk mund të marrë paratë e shqiptarëve dhe kush është nevojtar do të marrë një banesë sociale. Zemërbardhë me nevojtarët, por të vendosur kundër cdo rrugaçi” deklaroi ai.
Opozita bojkot zgjedhjeve lokale? Veliaj: Shpresoj ti thërrasin mendjes…do të vijnë
