Sekretari i Përgjithshëm i Partisë Demokratike, Gazmend Bardhi në një deklaratë për mediat këtë të hënë i është përgjigjur pyetjes së gazetareve nëse kanë njoftuar policinë për protestën e paralajmëruar pasditen e sotme nga Berisha.
Bardhi në fjalën e tij ka theksuar se vlen të theksohet se në selinë e PD-së nuk ka pasur asnjëherë as gardë, as FNSH as polici, dhe ato që përhapin lajme të tilla duan të nxisin dhunën mes demokratëve.
Sipas tij demokratët nuk mundur të dhunojnë njëri tjetrin, ndaj dhe në protestën e sotme nuk është njoftuar policia pasi secili ka të drejtën e tij, ajo që vlen të theksohet ka thënë Bardhi, është se PD-ja nuk ka thirrur protestë.
“Kemi mbushur selinë me gardistë, FNSH, Gardë asnjë institucion shtetëror, për sot sërish ju njoftoj se nuk kemi njoftuar policinë. Demokratët nuk vendosen përballë njëri tjetrit por duhet të jemi të bashkuar. Ai që më gënjeshtra u thot demokratëve se disa demokratë të tjerë kanë marrë policin edhe ka ardhur garda vetëm i nxit për dhunë. A mund të ketë demokrat kundër demokratëve? Kurrsesi, por kushdo që po përpiqet që të sajojë lajme të tilla do të dalë zbuluar dhe ka hallin e tij jo të të demokratëve.
Arsyet e protestës shtohen nga dita në ditë, kjo e sotmja është një protestë kundër Vuçiç, presidentit serb që mbërrin sot në Tiranë një ditë më parë për shkak se nuk ishte folur për një aferë të madhe korrupsioni siç është inceneratorët sot ishte hequr si shkak. Unë kam bindjen se i shtohen hallet ditë për ditë, orë pas ore dhe minut pas minute duan largimin e Ramës, arsyet për të protestuar i gjen vetë. PD-ja nuk ka thirrur proteste, zoti Berisha ka thirrur proteste ndaj presidentit serb që nuk është hera e parë që vjen në Tiranë, arsyet ti verifikojë media”, ka thënë Bardhi.
