Miliarderi Bill Gates në një deklaratë së fundmi ka thënë se do preferonte që një pejsë e parave të tij të shkonin për vaksinat, se sa të udhëtonte për në Mars.
“Në fakt është mjaft e shtrenjtë të shkosh në Mars. Mund të blesh vaksina kundër fruthit dhe të shpëtosh jetë për 1000 dollarë për jetë të shpëtuar. Dhe kështu, kjo ju shtyn, si të mos shkoni në Mars”, tha ai për BBC.
Kjo deklaratë vjen pasi sipërmarrësi Elon Musk ka thënë se do të kolonizojë Marsin, ndërsa Jeff Bezos i është bashkuar “garës së hapësirës”.
Gates, beson se inteligjenca artificiale do ta transformojë njerëzimin “mjaft dramatikisht”.
SpaceX, kompania e raketave e bashkë themeluar nga Musk në vitin 2002, e ka bërë qëllimin përfundimtar dërgimin e fluturimeve me ekuipazh në Mars dhe përfundimisht kolonizimin e Planetit të Kuq.
Nga ana tjetër, themeluesi i Amazon, Bezos, kryeson kompaninë e hapësirës ajrore Blue Origin dhe bëri një udhëtim të shkurtër në hapësirë në vitin 2021, ndërsa manjati britanik Sir Richard Branson ka arritur gjithashtu skajin e hapësirës me aeroplanin e tij raketor Virgin Galactic.
