Ditën e sotme kryeministri Rama zhvilloi një takim më studentët ekselentë që kanë filluar punë në administratën publike nëpërmjet platformës punëembarë.al, në kuadër të Paktit për Universitetin.
Kriteri i vetëm për të filluar punë në këtë rast ishte mesatarja në shkollë, e cila duhet të ishte nga 9-10, pra ekselent.
Por, si gjithmonë edhe në këtë rast, politika i futi hundët duke u marrë me persona të caktuar. Këtë bëri kryetari i FRPD Belind Këlliçi, i cili duke thënë se një nga studentet ekselente (Enkelana Shala) kishte punuar më parë në bashkinë e Tiranës, pretendonte se punëtëmbarë.al nuk jepte meritokraci. Njëlloj si Këlliçi, vepruan edhe disa media pranë PD dhe LSI, ku duke sulmuar një student ekselente, menduan se do godasin qeverinë.
Mirëpo, Këlliçi pa dashje ka bërë një supërgafë, e cila jo vetëm nuk konfirmon atë që pretendon ai, por përkundrazi, tregon se punëembarë.al ka funksionuar perfekt dhe i ka dhënë secilit atë që i takon.
Sepse, studentja ekselente Enkelana Shala ka qenë pjesë e FRPD, forumit që vetë Këlliçi drejton. Madje sipas listës zyrtare që është akoma në faqen zyrtare të PD-së, Shala ka qenë kandidate për Këshillin Kombëtar të FRPD, e 130ta në listë.
Thënë këtë, del që platforma punëembarë.al ka funksionuar siç duhet, duke mos i parë aplikantët nga partia politike, por nga mesatarja e studimeve.
Ndërsa sa për përgojimin e studentes ekselente nga portalet pranë Bashës e Kryemadhit nuk ka nevojë për shumë koment, pasi ata thjeshtë bëjnë betejën e kryetarëve të tyre pasi doroviten.
