Keni dëgjuar për gjumin e bukurisë? Padyshim që ai bën mrekulli për fytyrën tuaj, duke relaksuar muskujt gjatë orëve kur flini, si dhe duke minimizuar avancimin e rrathëve të zinj poshtë syve. Deri këtu, gjithçka është e kënaqshme, por për flokët a keni menduar?
Ç’ ndodh me to pas orëve të shkujdesura të gjumit? Edhe për ju është i papërballueshëm zgjimi me flokë të bëra lëmsh e të kthyera në anën e gabuar? Më poshtë ju prezantojmë një rutinë të thjeshtë, që mund ta ndiqni çdo ditë dhe ta bëni tuajën, për të patur “flokët ideal”.
-Kapini flokët gërshet, nëse dëshironi t’i keni me onde natyrale mëngjesin tjetër.
-Aplikoni disa pika vaj kokosi në majat e flokëve, për t’i patur sa më të buta ato.
-Këllëfët prej mëndafshi (të jastëkut ku vini kokën gjatë mbrëmjes), reduktojnë ndjeshëm rënien e flokëve dhe elektrizimin e tyre.
-Nëse keni flokë të hollë mund të përdorni dhe produktet e kujdesit për fëmijët. Produktet e kujdesit të fëmijës të tilla si vajra dhe sprajte janë natyrale dhe shumë herë më me pak kimikate sesa produktet për të rriturit.
-Mundohuni t’i lani flokët tuaj me shampo fëmijësh dhe të aplikoni vaj fëmijesh. Mëngjesin tjerër ju do të keni flokë të butë e të mahnitshëm.
-Përdorimi i pudrës do t’ju krijojë ondet e valëzuara. Përpara se të shtriheni, aplikoni pak pudër në rrënjët e flokëve. Ky produkt do të thajë yndyrën dhe do të valëzojë flokun tuaj.
-Mbështillini flokët me çorape të holla najloni, për të shmangur shpupuritjen.
-Përdorni pajisje plastike për flokët pasi të hekurit mund t’ju dëmtojnë.
-Kujdes me nxehtësinë e tharëses dhe çdo pajisjeje që aplikoni mbi fijet e flokëve.
