Rreth gjysmë kg kokainë e pastër me vlerën e të paktën 40 mijë eurove në shitjen me pakicës, u gjet nga policia italiane brenda një garazhi, i përdorur nga një 27 vjeçar shqiptar.
Mediat lokale italiane shkruajnë se droga ishte e shqiptarit Eqerem Petritaj, 27 vjeç, i njohur për policinë edhe më herët, pasi në vitin 2015 ishte vënë nën vëzhgim për shkak se konsiderohej si i përfshirë për trafik droge nga Evropa për në Itali.
Atëherë, nuk u arrit të zbulohej veprimtaria e tij, por muajt e fundit, megjithatë emri i shqiptarit u kthye nën vëzhgimin e policisë si përgjegjës për biznesin e kokainës në tregun vendas.
Agjentët anti-drogë vendosën ta gjurmonin atë, duke zbuluar se ai jetonte në shtëpinë e shoqes së tij italiane dhe se nuk kishte kryer asnjë punë të ligjshme muajt e fundit.
Gjatë shërbimeve monitoruese, u konstatua se Petritaj shpesh, gjatë ditës, hyri brenda një garazhi të vendosur në një ndërtesë jo shumë larg shtëpisë së tij, duke qëndruar brenda, çdo herë, për disa minuta.
Të premten, policia u vendos pranë ndërtesës ku jetonte, duke pritur 27 vjeçarin për ta kontrolluar në bordin e makinës së tij. Pavarësisht se nuk u gjet asgjë në automjet, i riu tregoi shenja të dukshme tensioni dhe nervozizmi. Në banesë u gjetën 9 gram marijuanë dhe 10 gram hashash si dhe krem hashashi.
Më pas u ushtrua kontroll në garazhin aty pranë ku u gjet sasia e kokainës prej 431.1 gram dhe një peshore elektronike.
Droga e cilësisë së lartë ishte e destinuar të pritej, të trefishohej dhe të shitej në sheshin e Parmës për të paktën 80 euro për gram.
