Pas akuzave të bëra nga ish-kryeministri Berisha se shoferi i deputetit të Partisë Socialiste, Taulant Balla është sekser i futur nga ai për të punësuar kundrejt ‘gjobave’ në drejtorinë e Legalizimeve në Librazhd ka ardhur edhe reagimi i deputetit socialist.
Balla shkruan në një postim së fundmi se nuk habitet nga denoncimi i Berishës, madje i bën thirrje të shkojnë vetë në Librazhd.
Po ashtu deputeti Balla i drejtohet ish-kryeministrit duke i thënë se në vendlindje me roje dhe antiblumb shkon vetëm ai.
Postimi i plotë:
Një mik më shkroi këtu në fb se Sali Berisha përsëri është marrë me mua, duke vetësajuar shpifjen e radhës. Nuk habitem aspak me Saliun, e di se mund t’i dal edhe në ëndërr e ti prish gjumin. Për “anonimen” e radhës në përroin e llumit tënd Sali, të ftoj të shkojmë bashkë në Librazhd dhe të bëjmë një takim po do edhe me atë pak elektoratin tënd që ka mbetur. Aty do ta kuptosh që je shumë rëndë, po rëndë fare. Unë nuk jam si ti Sali! Ti shkon në vendlindje me roje e jelek anti-plumb.
