Furnizonin me kokainë lokalet e natës dhe kazinotë në Itali, por pesë shqiptarë kanë rënë në pranga mëngjesin e sotëm në Pavia të Italisë.
Ata u pikasën nga autoritetet italianë gjatë kontrolleve të kryera nga karabinierët në lojërat e fatit, ndërkohë që po qëndronin pranë njërës prej sallave të lojërave.
Hetuesit zbuluan se shqiptarët kishin organizuar një rrjet për shitjen e kokainës. Sot në orët e para të mëngjesit u arrestuan të pesë shqiptarët me iniciale A.J., 35 vjeç, P.S., 39, A.K., 39, P.D., 40 dhe E.L., 42 vjeç. Katër të parët kanë marrë masën e sigurisë arrest në burg, ndërsa i pesti arrest shtëpie.
Dy prej tyre u shisnin shitësve të rrugës, midis tyre sasi kokaine, e cila u shitej më pas konsumatorëve të shumtë italianë, në doza 0.5 gramë me çmim 50 Euro.
