Ministrja e arsimit Besa Shahini dy ditë më pare, në një deklaratë për mediat komunikoi pezullimin e rektorit të Universitetit Mynyr Koni. Ajo tha se ka marrë vendimin e duhur për të ardhur në një zgjidhje ngërçit të krijuar në Universitetin e Tiranës. Vendimi për shkarkimin e Mynyr Konit merret nga presidenti, ku ministrja Shahini tha se ka bindjen se Meta do marrë vendimin e duhur për shkarkimin e tij.
Po pse ministrja e Arsimit mori një vendim kaq drastik duke pezulluar nga puna rektorin e Universitetit të Tiranës i cili u zgjodh me votë:
1. Zgjedhja e tij në krye të universitetit erdhi si shkak i një presioni politik të bërë nga ish- Kryeministri Sali Berisha ku tha se Mynyr Koni ishte kërcënuar nga Emiliano Shullazi, që të hiqte dorë nga kandimi për rektor.
2. Mynyr Koni nuk gjeti solidaritet as brenda universitetit me dekanët, ku ish- parardhësi i tij Dhori Kule e akuzonte për abuzime me tenderat dhe shkelje të ligjit.
3. Katër dekanët e Fakulteteve të Tiranës, Artur Sula, Edmond Rapti, Artan Hoxha, dhe Dhori Kule prej kohësh kanë kërkuar, shkarkimin e rektorit të Universitetit të Tiranës, Mynyr Koni, ku e akuzonin se në dëm të hapur me interesat e administrimit, drejtimit dhe zhvillimit Instituticional të Universitetit të Tiranës
4. Protesta e studentëve ishte një shuplakë siç e tha edhe kryeministri Rama për të gjithë e cila nxori në pah problemet që kishte universiteti i Tiranës. Por edhe pse ish-rektori Mynyr Koni thoshte se ishte me studentët dhe se e përkrahte protestën e tyre, ai i la në mëshirë të fatit pasi ishte ai që mund ta zgjidhte ngërçin e krijuar në universitet.
5. Ligji i Arsimit të Lartë i cili u miratua në 2015, ku të gjitha palët politike ranë dakord me miratimin e tij. Mynyr Koni hezitoi ta vinte në funksion në Universitetin e Tiranës, ky ishte dhe shkaku që studentë dolën në rrugë të protestonin.
6. Duket se Mynyr Koni u la vetëm edhe nga politika nga ish-kryeministri Berisha i cili nuk ka reagur fare në lidhje me këtë çështje. Po ashtu edhe nga presidenti Meta i cili është ai që do vendosë fatin përfundimtar të Mynyr Konit nëse do ta miratojë apo jo shkarkimin e tij.
7. Debatet e shumta të kryeministrit Rama me rektorin ku thoshte se në këtë universitet ka abuzime me tenderat, harxhohen 6 mln euro në vit për roje sigurie dhe zero për kërkim shkencor.
8. Doktoraturat që jepeshin nga ky universitet pa kontroll, ku çdo kush po merrte titullin “ Doktor shkencash”, plagjiatura që qarkullanin në universitet.
Të gjitha këto tregojnë fundin e “mbretërimit” të Mynyr Konit në krye të Universitetit të Tiranë. Të jesh me studentët do të thotë ti udhëheqësh ato në mënyrën siç e do ligjin. Ndaj Koni gjendet sot pa përkrahjen e askujt.
Përgatiti: AlpeNews.al
