Kryeprokurorja e Përgjithshme e përrkohshme Arta Marku ka pezulluar nga detyra çiftin e bashkëshortëve, prokuroren Rovena Gashi dhe prokurorin Dritan Gina.
AlpeNews.al ka sjell e para dhe ekskluzivisht të gjitha dokumentet të cilat kishin të bënin me pasurinë marramendëse të prokurorëve Gashi dhe Gina.
Lajmi është bërë e ditur mesditën e sotme. Marku mori vendimin e shkarkimit për Gashin dhe Ginën pasi u vu në dijeni që të dy janë të pandehur.
“Pezullimi i znj.Gashi u vendos pasi Kryeprokurorja u njoh me informacionin e Prokurorisë pranë Gjykatës së Shkallës Parë Durrës në lidhje me ngritjen e akuzës dhe marrjen në cilësinë e të pandehurit të shtetases Rovena Gashi për veprën penale: “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, në formën e deklarimit të rremë, parashikuar nga neni 257/a-2 i Kodit Penal.”, thuhet në njoftimin e prokurorisë për prokuroren Gashi.
“Pezullimi i z.Gina u vendos pasi Kryeprokurorja u njoh me informacionin e Prokurorisë pranë Gjykatës së Shkallës Parë Durrës në lidhje me ngritjen e akuzës dhe marrjen në cilësinë e të pandehurit të shtetasit Dritan Gina për veprën penale: “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, në formën e deklarimit të rremë, parashikuar nga neni 257/a-2 i Kodit Penal.”, thuhet në njoftimin e shpërndarë nga prokuroria për prokurorin Dritan Gina.
AlpeNews.al, risjell edhe një herë të gjitha publikimet rreth skandalit të prokurorëve.
Përgatiti:AlpeNews.al
Cila ishte lëvizja e gabuar që “groposi” çiftin Gina dhe Gashi?
Superprona nga Rovena Gashi në Shkozet
