Shteti serb po zhvillon përgatitjet përfundimtare para se të nënshkruajë dhënien me koncesionim të Aeroportit të Beogradit, “Nikola Tesla”. Firma që do të marrë përsipër operimin e aeroportit është Vinci Airports, kompani franceze, që merret me oprimin e aeroporteve në Francë dhe Portugali.
Aeroporti do të ipet me koncesion për një periudhë prej 25 vjetësh, dhe për këtë privilegj firma franceze do t’i detyrohet shtetit serb afro 1.5 miliardë euro. Kontributet do të jenë si vijon,
501 milionë euro pagesë ndaj shtetit me rastin e marrjes së aeroportit në menaxhim;
732 milionë euro investime në zgjerimin e aeroportit;
rreth 16 milionë euro në vit si tarifë vjetore ndaj shtetit.
Sa për krahasim, kur ishte dhënë me koncesion Aeroporti i Prishtinës, i cili atë kohë kishte udhëtarë sa gjysma e aeroportit kryesor në Serbi, Kosova kishte pranuar këto kushte:
2 milionë euro pagesë ndaj shtetit me rastin e marrjes së aeroportit në menaxhim;100 milionë euro investime një përqindje të të hyrave ku mesatarja do të ishte 39.4%.
Llogaritet se deri tani shteti ka fituar rreth 40 milionë euro që nga viti 2010, ku krahasuar me të hyrat për një vit që sillen rreth 30 milionë euro, kjo shume del të jetë më pak se 17% e të hyrave vjetore.
