Ndërsa deputetët e opozitës ishin në foltoren e Kuvendit, kreu i grupit parlamentar socialist, Taulant Balla kërkoi që të hiqej dorë nga diskutimet dhe të kalohej menjëherë në votim.
“Shqiptarët nuk duan fjalë, po vepra. Votoni sepse në secilën për zonat nga keni ardhur mezi presin investime nga rrjeti vaditës.
Zoti kryetar i Kuvendit dua t’ju kërkoja të hiqnim dorë nga diskutimet dhe të kalojmë menjëherë në votim”, tha Balla.
Kreu i Kuvendit, Gramoz Ruçi pranoi propozimin e Ballës duke kaluar menjëherë në votim, teksa opozita vijonte të fliste në foltore.
Pas votimit maxhoranca është larguar nga salla.
Seanca plenare është ndërprerë sot nga kryetari i Kuvendit tri here, pasi deputetët e PD-së zaptuan foltoren.(TemA)
