Zbulohen fotot e dy personave që janë shpallur në kërkim nga prokuroria e Laçit, për vrasjen e biznesmenit Paulin Gjegji (Markaj) dhe Bujar Hasanit (Lika), mikut të ngushtë të biznesmenit Ervis Martinaj. Ngjarja që tronditi Laçin, deri në këtë fazë të hetimit ka dy persona të arrestuar, Ilir Xhepaj dhe autorin e vrasjes Eduard Lama. Ndërkohë janë proceduar dhe dy mjekët Besim Lama dhe Viktor Marku.
Dy personat që po shihni në fotot e siguruara ekskluzivisht nga “Report Tv” vijojnë ende të jenë në kërkim nga policia e Shtetit dhe sot e kësaj dite nuk janë lokalizuar dhe arrestuar nga policia. Njëri prej tyre Klaudio Perkola, është djali i një efektivi policie në komisariatin e Laçit, i quajtur Gjovalin Perkola. Ndërsa Elson Oltion,Alija (Vlashi),është personi tjetër, i cili ka qenë pjesë e grupit të përbërë nga 4 vetë të cilët organizuan vrasjen e Bujar Hasanit dhe Paulin Gjergjit.
Elson Alija dhe Klaudio Perkola
Ngjarje tronditi Laçin, për shkak të egërsisë së krimit dhe mënyrës së kryerjes së tij, por edhe për shkak se dy viktimat ishin emra të njohur në zonë. Njëri prej autorëve, Ilir Xhepaj një personazh i njohur për drejtësinë, ka qenë njeriu që ka mbajtur të neutralizuar me armë dy djemtë e Paulin Gjergjit, që të mos lëviznin nga makina e tyre “Range-Rover”.
Xhepaj po ashtu së bashku me një shok tjetër Elson (Oltion), Alija (Vlashi), kanë hyrë brenda në lokalin “A&A” duke ndihmuar të plagosurin Eduard Lamaj, pasi ky i fundit, gjatë shkëmbimit të zjarrit me Bujar Hasanin, mbeti i dëmtuar me një plumb, në gjurin e këmbës së majtë. Ndërkohë besohet se djali i policit të Laçit, Klaudio Perkola, ka qenë në pozicionin e shoferit të automjetit tip “Golf 5”.
