Një ditë më parë Gjykata Penale në Maqedoni dënoi me 746 vjet burg 33 pjesëtarët e grupit të Kumanovës.
7 dënime me burg të përjetshëm, 13 persona u dënuan me 40 vjet burg, 6 persona me nga 20 vjet, njëri nga të akuzuarit u dënua me 18 vjet, dy me nga 14 vjet dhe dy pjesëtarë tjerë me nga 13 vjet. Në mungesë të dëshmive, katër persona u liruan nga të gjitha akuzat.
Por, këtë vendim këngëtari i njohur Milot Hasangjekaj po e quan drejtësi politik.
Ai përmes një statusi në llogarinë e tij në Facebook ka reaguar duke e krahasuar këtë me rastin e Anders Behring Breivik i cili kishte vrarë 68 persona, shumë të tjerë të plagosur dhe është dënuar vetëm me 21 vjet burg e në Maqedoni dënohen me burg të përjetshëm.
“Breivik ne Norvegji i ka vra 68 persona + 100 te plagosur e eshte denu 21 vjet burg …. ne Maqedoni denohen njerzit me denim te përjetshëm. Drejtesi Politike”, kishte shkruar Miloti.
Ndërkohë, nuk kanë munguar as komentet e fansave të cilët e kanë përkrahur Milotin për atë çfarë ka shkruar.
