Ish-sekretari amerikan i shtetit, Mike Pompeo ditën e sotme ka mbërritur në Tiranë në kuadër të 100 vjetorit të marrëdhënieve të Shqipërisë me SHBA.
Ka qenë ish-deputeti i Partisë Socialiste, Alket Hyseni, ai i cili ka publikuar foto nga momenti që Pompeo mbërriti në Tiranë, ku u prit nga kryetari i Grupit Parlamentar të Partisë Socialiste, Taulant Balla.
“Sot patëm nderin të mikpresim në Tiranë, për herë të parë, Z. Mike Pompeo, Ish Sekretari i Shtetit të Shteteve të Bashkuara të Amerikës dhe Ish Drejtori i CIA”, shkruan Hyseni.
Mike Pompeo erdhi në Tiranë me ftesë të Ballës. Më herët u bë me dije se gjatë qëndrimit në kryeqytet ish sekretari Pompeo do të marrë titullin e nderit “Doctor Honoris Causa” nga Universiteti i Tiranës.
