Shpërthimi i fuqishëm që ndodhi 6 muaj më parë në portin e Bejrutit në Liban i mori jetën më shumë se 200 personave, ndërsa rreth 6000 të tjerë mbetën të plagosur.
Shpërthimi u shkaktua nga një sasi prej 2750 ton nitrat amoni e vendosur në një magazinë, ndërsa shpërthimi shkaktoi dëme materiale që kapin vlerën e miliarda dollarëve.
Sipas Bankës Botërore, dëmet e shkaktuara shkojnë në vlerën e mbi 8.1 miliardë dollarëve, ndërkohë që komuniteti ndërkombëtar është zotuar ta ndihmojë shtetin që po përballet edhe me krizën ekonomike të shkaktuar nga pandemia.
Por 6 muaj pas ngjarjes, thuajse asgjë nuk ka ndryshuar në vendin ku ndodhi shpërthimi, ndërsa fotot e kapura me dron tregojnë gjendjen në të cilën ndodhte porti i Bejrutit.
