Një grup të rinjsh të Partisë Demokratike protestuan sot, teksa Asambleja e Partisë Socialiste mbante punimet. Ata u shfaqën me kallama peshkimi në duar, me “peshqit e mëdhenj” që kishin kapur.
Një nga të rinjtë, Halit Valteti tha se u doli goxha mirë peshkimi. Ai theksoi se ata po protestojnë për ti rikujtuar Ramës dhe shqiptarëve se kush janë peshqit e mëdhenj.
Për këtë protestë ka reaguar edhe deputeti demokrat, Ervin Salianji, duke mos e kursyer ironinë.
“Vendi më i mirë për të gjuatur peshk të madh, Asambleja e PS! Çuna të zgjuar këta, shkojnë për gjueti pa lodhje, atje ku ka plot!”- shkruan ai, duke postuar ne faqen e tij ne FB edhe foto nga peshkimi.
