Identifikoht 32-vjeçari që u vra me armë zjarri. Ai është Elsi Kosiqi. 32 vjeçari u gjet i vdekur ne oborrin e shtepise se tij ne fshatin Maqellare, Diber rreth ores 01:30 ne mesnate.
Autorët e kanë patur shumë të lehtë për ta bërë ekzekutimin, se banesa është në rrugën kryesore që të çon te rrethrrotullimi i Maqellarës.
“Autorët e kanë pasur të lehtë të largohen pasi e kanë vrarë me 3 plumba në gjoks. Kanë lënë disa gjurmë në oborrin e banesës, prandaj policia do mund të verifikojë autorët. Elsi Kosiqi kishte punuar disa kohë në Itali. Nuk ka qenë problematik me policinë, dyshohet se personat që kanë qëndruar me të, mund ta dinë autorin e ngjarjes,”.
Njoftimi i policisë:
Me datë 20.03.2018, rreth orës 01:30, është vrarë me armë zjarri, në oborrin e banesës së tij në Maqëllarë shtetasi Elsi Kosiqi, rreth 32 vjeç.
Policia e Dibrës me të marrë njoftimin, ka shkuar në vendngjarje. Janë ngritur pika kontrolli, si dhe po krihet e gjithë zona për identifikimin dhe kapjen e autorit të kësaj ngjarje.
Në vendin e ngjarjes janë sekuestruar prova të mundshme që mund të çojnë në zbardhjen e ngjarjes. Grupi hetimor vijon hetimet në vendin e ngjarjes.
