Jeni kurioz të dini si do të duket modeli apo modelja i ardhshëm në botë? Në klimën aktuale të modës, po bëhet gjithnjë e më e vështirë të parashikohet. “Modelet klasike të bukura gjithmonë do të punojnë, por gjithnjë e më shumë po shohim se modelet tona më individuale, jo dhe aq të bukura mund të themi, po bëjnë vërtet një punë të mirë”, thotë Karen Diamond, drejtoreshë e agjencive në Modelet 1.
Në një ekspozitë në Protein Studios në Londër, agjencia zbuloi fytyrat më premtuese të reja në listën e tyre të cilët mund – nëse fati është në anën e tyre – të gjejnë sukses në të ardhmen.
Përqafimi i individualitetit
Ekspozita fillimisht kishte për qëllim promovimin e modeleve të reja, shumë prej të cilëve ende janë studentë. Por ajo gjithashtu tregoi se standardet e ngurta të modës po pakësohen.
Të kapur në foto-ilustrime surrealiste nga fotografja e modës Jesse Laitinen, modelet e zgjedhura kanë pamje të veçantë – duke përfshirë një shumëllojshmëri të toneve të lëkurës, quka dhe flokë natyral, karakteristika që ende janë të nënpërfaqësuara në industri.
“Individualiteti dhe autenticiteti është çelësi”, thotë Diamond.
Përgatiti: AlpeNews.al
