Gazetari dhe moderatori Sokol Balla, ka lajmëruar se pas datës 15 maj, atë përveç se do ta shohim në televizion, tashmë mund ta dëgjojmë dhe në radio.
Mësohet se Balla, çdo të martë dhe të mërkurë do të rikthehet dhe njëherë në radio, për një emision i mbështetur në temat e aktualitetit.
Siç bën të ditur dhe vetë IN TV, Balla do të jetë autor dhe prezantues në një program radiofonik.
Emisioni do të quhet “Sokol Balla live” dhe do të transmetohet duke filluar nga 15 maji, çdo të martë dhe të mërkurë.
“Rikthehem pranë mikrofonit, flas me ty. Radio më seksi e Tiranës, Radio IN”- është shprehur ai.
Kujtojmë që Balla vetëm në muajin janar është shkëputur nga Top Channel dhe Top Albania Radio, ku çdo të mërkurë prezantonte emisionin po me të njëjtin emër që tashmë do ta sjell në IN TV.
