Ish-kryeministri Sali Berisha ka publikuar një postim në rrjetin social Facebook, ku denoncon punën e të miturve në minierat e Bulqizës.
Ndërkohë, fotografia me të cilën e shoqëron i përket datën “10 maj 2013”, kohë kur qeverisja ishte në duart e Berishës.
Pamja është shkrepur nga gazetari i njohur Fatos Baxhaku, i cili kishte ngritur në atë kohë problemin e shfrytësimit të fëmijëve në malin e kromit në Bulqizë.
Ja se çfarë shkruan ish-kryeministri në postimin e tij:
“Bulqizaku i vogel i dergon Norieges kartoline falenderimi! sb
“Miremengjes kryeministri im, miremengjes! Faleminderit qe me pranove mbreme se ekzistoj! Pavaresisht se e bere per menderen tende!”
Mbase ish-kryeministri Berisha përpara se të shtrojë probleme të tilla duhet të kërkojë paraprakisht një “ndjesë” minatorëve dhe familjarëve të tyre që gjatë qeverisjes së tij nuk bëri thuajse asgjë.
