Fotografia e një vajze të vogël të bërë para dhe mbas ditës së saj të parë të shkollës është bërë virale në internet. Imazhi i këndshëm u shpërnda mijëra herë pasi nëna e publikoi në Facebook.
Lucie, nga East Renfrewshire, ishte e pastër dhe mjaft e rregullt kur doli nga shtëpia tha nëna e saj Jill. Por deri në fund të ditës, ndërsa luante me shokët e saj, u kthye në shtëpi e “shkalafitur”.
Fotografia u pëlqye më shumë se 10.000 herë pasi Jill pranoi që një gazetë lokale ta publikonte në faqen e saj. “Ajo absolutisht e do shkollën dhe kjo ishte dita e saj e parë në P2, por ajo gjithashtu pëlqen të bëjë gjëra të reja. Lucie me shumë siguri ka kaluar një ditë të këndshme,”-shtoi Jill.
