Martesa e Tringa Rexhepit me prejardhje nga Gjilani ka magjepsur pothuajse të gjitha mediat kanadeze dhe ato kosovare. Bukuria e Tringës, pritja tradicionale e dasmës dhe shumë veçori të tjera tipike shqiptare ishin evenimenti kyç i dasmës së saj. Piktori i njohur ndërkombëtar Zeqirja Rexhepi që është babai i Tringës thotë se është i lumtur që dasma e Tringës është shoqëruar me shumë momente tradicionale tipike shqiptare.
Martesa e Tringa Rexhepit me Scott Cristian ende po bënë bujë në mediet kanadeze dhe gjithashtu edhe në ato kosovare. Tringa e cila kishte vetëm 8 vite kur shkeli tokën e Kanadasë shpejt është integruar dhe është bërë yll i muzikës që ajo ka dashur të jetë. E rritur nga prindi artist – skulptor Zeqirja Rexhepi ajo është adaptuar dhe po zhvillon një karrierë të bujshme prej këngëtareje.
Zeqirja Rexhepi dhe bashkëshortja e tij Bedrija skanë si të mos ndihen krenar e të lumtur për dasmën e Tringës e cila ishte shembull për vajzat tjera se si nuk duhet harruar traditat dhe zakonet shqiptare. “Vërtet ishim të lumtur edhe unë edhe Bedrija që vajza jonë Tringa organizoj një ceremoni të dasmës ashtu siç bëhet zakonisht në familjet shqiptare” u shpreh Zeqa.
