Monedha virtuale Bitcoin është ndihmuar këtë fundjavë nga “E premtja e zezë” për të thyer një tjetër rekord në tregun ndërkombëtar. Sipas të dhënave të Coin Desk ajo është vlerësuar me 9234 dollarë.
Edhe në Shqipëri fenomeni i qytetarëve që investojnë në bitcoin është i pranishëm. Megjithatë Banka e Shqipërisë i këshillon qytetarët dhe bizneset që të mos investojnë në monedha dixhitale, pasi ka shumë rreziqe.
“Kursi i këmbimit mund të ndryshojë shumë shpejt, është e paqëndrueshme dhe është një monedhë e cila nuk ka një zot. Nëse paraja konvencionale emetohet nga bankat qendrore, Bitcoin, apo monedha virtuale të tjera nuk kanë një institucion që merr përsipër garantimin e tyre”, thonë ekspertët./Tiranapost.al
