Forcat e Armatosura vijojnë angazhimin e tyre në shërbim të banorëve të prekur nga përmbytjet në qarkun e Fierit.
Mësohet se 13 mjekë dhe infermierë të Forcave të Armatosura janë zhvendosur në fshatin Ferras, ku kanë filluar vizitat specialistike me mjekë të specialiteteve të ndryshme (pneumolog, kardiolog, të përgjithshëm, radiolog me ekografi, orl, etj).Vizitat po kryhen në qendrën shëndetësore të njësisë, por për disa të moshuar dhe fëmijë që nuk kanë mundësi të lëvizin, mjekët tanë po i shkojnë në banesë dhe të sëmurëve po u jepen ilaçe falas.
