Me sallën e mbushur plot me demokratë, Ervin Salianji iu përgjigj që në nisje të fjalimit të tij akuzave se takimin në Shkodër ia ka organizuar kryebashkiaku socialist Benet Beci. Salianji i konsideroi mesazhe të orkestruara kundër tij me qëllimin e vetëm: që salla mos te mbushet plot me demokratë. Ndërsa akuzave se takimin ia organizoi Beci, Salianji iu përgjigj duke i kujtuar Sali Berishës se Beci ka qenë drejtor i emëruar nga ai në disa prej institucioneve më të rëndësishme.Ky mesazh vjen në emër të PD dhe që bën thirrje që takimet organizohen nga Benet Beci në rastin e Shkodrës nga një numër që paguhet nga PD, edhe nga ju dhe ne. SMS e fundit më 19 mars. Nuk iu kanë uruar as për Krishtlindje, as Bajram, as për ndonjë SMS kundër qeverisë por ju bëjnë thirrje që të mos takohemi me njëri-tjetrin. Që duan dhe i janë qepur kolltukëve dhe karrigeve për t’i mbajtur me forcë. Siç po e shihni s’po ia dalin dhe nuk do t’ia dalin dot. Benet Beci nuk ka qenë drejtor i emëruar prej meje, por ish-drejtor i emëruar prej PD dhe i mbajtur me pekule e gjak në institucionet më të rëndësishme. Këtë jemi duke thënë në çdo cep, anë e qytet që gabimet që ka bërë PD kanë bërë që PD të jetë në këtë gjendje që është për shkak të emërimeve të padrejta, mospromovimit, dhe emërimeve nepotike dhe lidhjeve familjare, si është Beci, që nga drejtor i PD sot është kryebashkiak i PS dhe pak guxojnë që ta përmendin”, tha Salianji.
Sali Berishës dhe Flamur Nokës ua bëri të qartë se nuk ka në plan të tërhiqet nga rruga që ka nisur pavarësisht presionit që po i ushtrojnë. Ndonëse preferoi të mos i përmendë me emër, Salianji tha se presionin nuk e njeh, e sidomos nga njerëz që përballë “regjimit sillen si lepurusha dhe përballë demokratëve si tigra”.
FOLTORJA NË SHKODËR/ Salianji i përgjigjet Berishës: Benet Beci ka qenë drejtori yt, përballë regjimit silleni si lepurusha, me demokratët si tigra
