Një djalë 5 vjeç, i cili dyshohet se u hodh nga balloni i “Mall of America”, rreth 12 metra i lartë ka shpëtuar pa pësuar asnjë dëmtim në tru.
Landen Hoffman vuajti traumën e rrëzimin dhe disa thyerje të kockave kur u rrëzua nga qendra tregtare në Minnesota.
Në një deklaratë të shkurtër, pastori Mac Hammond tha se djali do të mbetet nën trajtim. Vogëlushi Landen bëri rezonancë magnetike për pesë orë derisa mori lajmin e mirë.
Pastori e quajti këtë rast “një mrekulli të vërtetë”. Hammond shtoi se Landen nuk kishte as enjtje në tru, as dëmtime në shtyllën kurrizore apo dëmtime në organet e brendshme që mund ti rrezikonin jetën.
Familja ka kërkuar pak privatësi, ndërkohë që po hetohet nëse hedhja ishte e qëllimtë. Mediat e huaja raportojnë se Landen ishte me familjen e tij duke shëtitur në qendrën tregtare kur një 24 vjeçar, i identifikuar si Emmanuel Deshawn Aranda e kapi dhe e hodhi poshtë.