Emigrantët shqiptarë të cilët punojnë dhe jetojnë në Greqi kanë vendosur të pushojnë në Shqipëri.
Euronews Albania ishte mëngjesin e sotëm në pikën e kalimit kufitar të Kapshticës, aty ku emigrantët shprehen se kanë zgjedhur të kalojnë pushimet me familjarët e tyre.
“Për pushime, të shikojmë njerëzit tonë, kemi familjet, vijmë 2-3 herë në vit. Kemi ardhur nga Athina dhe Selaniku, vijmë për pushime. Çmimet janë mesatare”, shprehen disa prej tyre.
Gjatë 3 ditëve të fundit, nga Greqia drejt Shqipërisë janë futur 20.308 persona ndërkohë kanë dalë 11.553 persona.
Në pikën e kalimit kufitar të Qafë Thanës që lidh Shqipërinë me Maqedoninë e Veriut 3 ditët e fundit janë futur 14.143 persona ndërkohë kanë dalë 9.608 persona
Edhe pse këto janë ditët ku kjo doganë përjeton hyrjet dhe daljet më të shumta gjatë vitit, nuk paraqiten probleme me radhët e automjeteve pasi është duke u punuar në kapacitetin maksimal, me 5 sportele në hyrje e 2 ne dalje.
