Presidenti i Shteteve të Bashkuara të Amerikës, Donald Trump ka thënë se është gati për një marrëveshje tregtare me Kinën, dhe se mes dy vendeve ka hapësirë për një progres.
“Kina dëshiron të bëjë një marrëveshje, ne patëm bisedime shumë të mira dhe jemi afër një marrëveshjeje”, tha Trump të premten në Uashington.
Presidenti amerikan theksoi se kjo marrëveshje do të jetë pozitive për SHBA, si dhe shtoi se në samitin G20 të liderëve në Argjentinë, priten diskutime të tjera.
Unë mendoj se kjo do të jetë një marrëveshje e mirë për Shtetet e Bashkuara. Nëse mund të hapim raportet me Kinën, për herë të parë – kjo është dashur të bëhet vite më parë nga presidentët e kaluar, por nuk ka ndodhur – unë jam shumë optimist. Por, Kina është shumë e interesuar për marrëveshje.
