Një studim ka zbuluar se fëmijët e prekur nga sindroma e autizmit e kanë më të lehtë të rikuperojnë veten nëse mësojnë një gjuhë të dytë. Studimi i botuar në Child Development, ka gjetur arsye të reja për të besuar se fëmijët autikë që kanë njohuri mbi dy gjuhë kanë rritur fleksibilitetin njohës në krahasim me fëmijët që nuk dinë asnjë gjuhë të huaj.
Sipas profesorit Aparn Nadig nga McGill University, ky studimin ka marrë shumë kohë.
“Ka 15 vjet që kemi pasur debate mbi këtë temë duke menduar sesi posedimi i një gjuhe të dytë mund të ndihmojë në përparimin e aftësive funksionale.”
Studimi ka krahasuar 40 fëmijë nga mosha gjashtë deri në nëntë vjeç, me ose pa sindromën e autizmit dhe që posedojnë një apo dy gjuhë. Fokusi është vënë në teste të njohurive të përgjithshme kompjuterike. Nga ky studim është vënë re se fëmijët të prekur nga sidroma e autizmit dhe që posedojnë dy gjuhë kanë dhënë performancë më të mirë krahasuar me fëmijët e prekur nga e njejta sindrom, por pa njohuri të gjuhëve të huaja.
Konkluzioni është befasues dhe mund të ndryshojë mënyrën se si prindërit mësojnë fëmijët e tyre. Megjithëse studimi fillestar ishte relativisht i vogël, studiuesit besojnë se gjetjet e tyre janë të mëdha dhe po planifikojnë të vazhdojnë studimin duke ndjekur fëmijët gjatë tre deri në pesë vitet e ardhshme për të parë se si ato do të zhvillohen.
Burimi: The Independent