Shkarkimi i Drejtoreshës së Burgut të Grave Xhoi Jakaj ishte një ngjarje që bëri shumë bujë. Jakaj shprehet për Fatmën dhe Aulonën se shkak i shkarkimit të saj ishte fakti që guxoi më shumë sesa duhej.
“Ishte një eksperiencë e bukur! Unë guxova! Guxova të bëja ndryshime. Guxova të thoja disa gjëra të vërteta, guxova të dal edhe në media, guxova të shkruaja edhe në gazeta, edhe të kërkoja të drejtat e grave, të flas me zë të lartë kur bëheshin padrejtësi… padiskutim që ky guximi im pati një kosto, por unë jam e realizuar!”, u shpreh ndër të tjera Jakaj e cila u shkarkua ditë më parë pa motivacion.