Të ftuar në “A show” të Adi Krastas në “News24, Alfred Peza, Nora Malaj dhe Endri Xhafo komentuan mbi ngjarjet kryesore të javës.
Sekretari i marrëdhenieve me median në Ps, Alfred Peza u shpreh se diskursi politik ka arritur në nivelet më të ulëta duke iu referuar gjuhës së përdorur në Kuvend.
Rasti konkret ishte ai i Monika Kryemadhit që në foltore përdori javës që kaloi termat si: “Mendere dhe lëpirje”.
***
Alfred Peza: Diskursi politik është në nivelet më të ulëta të komunikimit.
Ndërkohë më herët u fol për fjalimin e Ramës në Korçë për pataten dhe sërish pati një shkëmbim replikash mes Krastës dhe Pezës.
Krasta: Nuk kam dëgjuar kurrë Churchillin që të thotë mbillni mollë e mos mbillni pras. Nuk kam dëgjuar asnjë kryeministër.
Peza: Kam dëgjuar Churchillin të thotë që në gazetari hyr herët dhe dil herët dhe që kryeministër i zoti është ai që është një kasap i shkëlqyer. Që do të thotë që atje ku janë problemet duhet t’i presë dhe duhet të orientojë njerëzit të shkojnë drejt një zgjidhje më të mirë dhe me alternativa më interesante.
Krasta: Kohët e fundit i jeni referuar shumë Churchillit, vini të përgatitur.
/AlpeNews.al