Gjithçka duket se ka nisur në 2015 në atë që mbahet mend si “masakra e Çoles”, ku tre të rinj mbeten të vrarë e tre të tjerë të akuzuar.
Njëri prej tyre ishte edhe Aleksandër Llanaj. Nga mbiemri I tij, do të nisë prej atij momenti një zinxhir hakmarrjeje dhe vrasjesh vit pas vit dhe muaj pas muaji.
Pas çdo atentati të ndodhur në Vlorë, një nga pistat në të cilat hetohet shpeshherë është edhe ajo e lidhjes së mundshme me fisin e Llanajve.
Pasojë e kësaj sage, dyshohet se janë edhe vrasja e Albano Xhaferrit dhe zhdukja e Elvis Troqes, sikurse edhe atentati ndaj ndaj Mikel Mehmetit.
Viti 2019, ka shënuar plot dy viktima e dy të plagosur si pasojë e konfliktit dhe mbiemrit Llanaj.
Në janar të këtij viti, Mikel Mehmetit iu bë atentat nga I cili 41 vjeçari mori tre plumba dhe automjeti I tij 5 të tilla.
I plagosuri dyshohet se janë qëlluar nga dy persona që ndodheshin në një makinë që është gjetur e djegur 1 kilometër larg vendit të ngjarjes. Makina Audi A3 ishte në ecje në momentin e goditjes.
Mehmeti është nga Selenica, dhe njihet si anëtar i bandës së Llanajave.
Sot, një tjetër atentat mafioz u shënua tek “Uji i Ftohtë” në qytetin e Vlorës, me dy të vrarë dhe një të plagosur rëndë.
Persona ende të paidentifikuar i kanë bërë pritë Armando Sulejmanit, njohur me pseudonimin “Çipuri”, duke e lënë atë të plagosur rëndë.
Të vdekur mbetën Orest Rexho dhe Arjan Hasani, të cilët janë kunati i 42-vjeçarit Armando Sulejmanit, dhe shoku i tij.
Dyshimet e policisë për atentatin e sotëm lidhen me pistën e hakmarrjes, kjo për shkak se Armando Sulejmani ka qenë i dyshuar për atentatin ndaj Ferdinand Llanajt, i cili mbeti i plagosur në muajin tetor të vitit 2017.
Ngjarja është ende e pazbardhur e ndërkohë që priten detaje të reja pista kryesore mbetet ajo e të tjerave jetë që ikin, prej hakmarrjes së fisit “Llanaj”.
Përgatiti: AlpeNews.al