Një grua 90-vjeçare nga Irlanda e Veriut është bërë personi i parë në botë që ka marrë vaksinën e Pfizer/BioNTech për COVID-19, duke shënuar fillimin e programit të vaksinimit masiv në Mbretërinë e Bashkuar.
Margaret Keenan nga Enniskillen tha se ndihej “aq e privilegjuar” që ka marrë vaksinën në Spitalin Universitar, Coventry.
Siç bëhet e ditur më tej, Qendrat në Mbretërinë e Bashkuar do të vaksinojnë fillimisht ata mbi 80 vjeç dhe disa anëtarë nga stafi shëndetësor. Programi synon të mbrojë më të rrezikuarit dhe të kthejë jetën në normalitet.
Sekretari i Shëndetësisë, Matt Hancock, ka thënë tha se tani ka “dritë në fund të tunelit”. “Një moment kyç në luftën tonë kundër kësaj sëmundje të tmerrshme”, ka thënë ai.
Ndërsa kryeministri Boris Johnson tha: “Sot shënojmë një hap të madh përpara në luftën e Mbretërisë së Bashkuar kundër koronavirusit”.
