Qeramika dhe tablotë, ku paraqitet figura mitologjike e Centaurit janë simbolet kryesore të ekspozitës së piktorit Viktor Ferraj. Centauri pragu i të cilit nuk nuk mund të kapërcehet pa sakrifica është kthyer në moto të filozofisë së veprave të artit për Ferraj.
Në Galerinë Fab vperta e tij duken sikur janë një lloj akti në lëvizje. Centauri është një figurë e mitologjisë greke, që përfytyrohej si një qenie gjysmë njeri e gjysmë kafshë.
Duke parë veprat e Ferrajt risjell në kujtesë faktin se në në botën antike ky lloj bashkimi mes njeriut edhe kafshës shprehte vitalitetin, forcën dhe energjinë, që natyra i jepte atij dhe ai ndihej pjesë e saj. Në fytyrat e personazheve dhe objekteve që Ferraj ka krijuar, në mënyrë paradoksale dallohet skllavërimi dhe rikrijimi i centaurëve të rinj.
Centauri vjen këtë herë pa trup kali apo rrota motori, por si një krijesë e përzier në kërkim të një harmonie të re. Artisti, me ekspozitën e tij personale, sjell këtë herë në mënyrë tepër të veçantë punët e tij, përmes gërshetimit dhe ndjesisë së tij artistike. Në ciklin e veprave të Ferraj janë edhe figurat vertikale, që të kujtojën skemat e ikonave mesjetare dhe imazhet e skulpturave gotike.
Edhe pse e mbartur me sibole të njohuar ekspozita te Ferrajt vjen me një mesazh të fortë në vetvete. Kjo ekspozitë do të qëndrojë e hapur për publikun deri më 19 Mars.
