Hektarë të tërë me pyje, të mbjella bujqësore, shtëpi e makina. Dëmi i shkaktuar nga flakët që kanë përfshirë zona të mëdha në Kaliforni përllogaritet në miliarda dollarë.
Flakët në veri të këtij shtetit të SHBA po zgjerohen nga të katra anët dhe zjarrfikësit janë në luftë me kohën për t’i frenuar.
Deri më tani, misioni i tyre ka dështuar dhe shkak është bërë moti ekstremisht i nxehtë dhe erërat e forta që kanë favorizuar flakët.
Autoritetet thonë se dhjetra banesa në zonat rezidenciale janë shkrumbuar nga flakët.
Zjarri i nisur prej 2 korrikut ka shkrumbuar gjithçka çfarë i ka dalë përpara në një hapësirë prej të paktën 8 mijë hektarësh dhe vetëm 8 për qind e tij e tij është vënë disi nën kontroll nga zjarrfikësit.
