Dikur, në Tiranën e viteve ’80 kur filluan të qarkullonin tek tuk edhe motorrët, kryesisht “Vespa”, “MZ” e “Piaggio”, ata më të shumtët që nuk ia arrinin dot, e kishin shumë për zemër një shprehje të italianëve që thonte” “Nëse nuk e doni më të fejuarin apo bashkëshortin tuaj, atëherë blijini një motorr…”. Një shprehje që kjo që më shumë përdorej për snobizëm sesa i dihej thelbi i kuptimit real.
Vetë pasi kanë kaluar disa dekada dhe motorrët janë shtuar si pikat e shiut dhe bashkë me to edhe aksidentet në rrugë, duket se po kuptohet realisht thënie e dikurshme dhe e vjetër….
Aksidentet rrugore në Shqipëri duket se po shtohen çdo ditë e më shumë, veçanerisht ato me motorr, për shkaqe nga më të ndryshmet nga shpejtësia deri tek parakalimet e rrezikshme, që rezultojnë më vonë fatale.
Vetëm ditën e djeshme u shënuan dy të tillë, ku në një njërën prej tyre pati edhe viktima.
18 mars 2018: Ngjarja tragjike ka ndodhur mbremjen e djeshme në Lusan të Kukësit, ku një person ka humbur jetën, ndërsa një tjetër është plagosur rëndë.
Dy të rinjtë ishin duke udhëtuar me motor, ndërkohë që pas përplasjes ka humbur jetën Ndriçim Cara 25 vjeç ndërsa ka mbetur i plagosur vëllai i tij Demir Cara 36 vjeç.
15 mars 2018: Një aksident i rëndë me pasojë vdekjen e një person ka ndodhur sot në Durrës, në rrugën që të çon në tek Gjykata e Alepit.
Viktima ka qenë duke drejtuar një motoçiklete dhe është përqasur me trafik ndarësen.Motori me targe CAF533 është përplasur me trafik ndarësin.
Mësohet se drejtuesi i motorit është shtetari Tosi Jaupllari 07.11.1968, i lindur në Skrapar banues ne Durrës, i cili ka mbetur i vdekur.
8 mars 2018:Nje aksident i rende ka ndodhur mbremjen e 8 marsit ne Vau Dejes-Hajmel. Nga ky aksident ka mbetur i plagosur nje 19 vjeçar i i identifikuar si Viktor Gega , e ndersa me plage me te lehta eshte shtetasi Emanuel Doda.
Dy shtetasit kane qene bashke duke ecur me nje motorr dhe kane dale nga rruga ne fshatin Hajmel duke u aksidentuar.
2017: Një 39-vjeçar ka humbur jetën në Himarë, pasi ka humbur kontrollin e motorit duke u përplasur më një shtyllë që gjendej anës rrugës. Mësohet se K.SH 39 vjeç, i cili humbi jetën në spital udhëtonte me një motor tip ‘Hamer’.
Kujtojmë edhe rastin e këngëtarit Kejdi Halilit, 21 vjeç, dhe fituesit të “X Factor”, Ergi Dini, 22 vjeç, që ishte një nga aksidentet me te renda me motorr të shënuara në Tiranë.
Por, kjo lëvizje ka provokuar humbjen e kontrollit të motorit dhe të dy, si shoferi dhe pasagjeri, janë rrëzuar. Nga përplasja e fortë me bordurën e trotuarit të dy djemtë kanë marrë plagë të forta.
Drejtuesi i motorit, i cili pohohet se ka qenë Halili dhe pasagjeri, këngëtari Ergi Dini, u dërguan menjëherë në Spitalin Ushtarak, në gjendje të rëndë shëndetësore.
Pas rreth 30 minutash, të dy djemtë kanë ndërruar jetë në Spitalin Ushtarak, si pasojë e plagëve të shumta që kishin marrë.
AlpeNews.al
