Kryetari i Partisë Republikane Fatmir Mediu ka shfaqur shenja revolte në studion e lajmeve të News 24.
I ftuar në në rubrikën ‘Opinio”, Mediu tregoi shqetësimin e tij për mungesën e drejtësisë në vend.
Ai tha se shumë shpejt pritet që vendi ynë të ngelet pa Gjykatë Apeli duke shtuar se mazhoranca po kontrollon sistemin gjyqësor.
“Sabotimi i KLP dhe KLG është i qëllimshëm që të largojë gjyqtarë dhe prokurorë, për të sjellë njerëz nga jashtë sistemit. Ne kemi ankimuar pak. Duhet të mendojmë se sa themele kushtetuese ka. Duhet të mendojmë pasojat e kësaj reforme. Ne nuk u ulëm sëbashku për të vlerësuar reformën.
PS injoroi marrëdhëniet me opozitën. Ndryshimet kushtetuese mbarin në themel një marrëveshje politike. Kushtetuta është një marrëveshje sociale. Ligjet me shumicë të kushtëzuar kanë të bëjnë me marrëveshje. Më thoni një vend të BE apo SHBA që nuk kanë Gjykatë të Lartë dhe Gjykatë Kushtetuese.
Po kush e futi Magjistraturën si pjesë e kushtetueses?! Ishte kjo maxhorancë që e futi. Edhe ligjin për teatrin, Meta e ktheu, por Rama do të miratoje prapë. Qeveria synon të kontrollojë prokurorët e gjyqtaret e ardhshëm. Qeveria e korruptuar do të pastrojë gjyqësorin”, tha Mediu.
