Degët e mjekësisë dhe ato ekonomike rezultojnë më të kërkuarat në 6 universitetet e rretheve, të cilat çelën dyert me qindra kuota të lira dhe degë që rrezikojnë të mbyllen për këtë vit akademik.
Infermieria, Ekonomiku dhe Arsimi parashkollor janë degët më të kërkuara në 6 Universitetet e rretheve që çelen dyert, me qindra kuota të lira dhe programe studimi që rrezikojnë të mbyllen.
Në Universitetin ‘Eqerem Cabej’ në Gjirokastër janë vetëm 287 studentë të rinj të cilët e çojnë në pak më shumë se 1000 numrin e përgjithshëm në të gjitha programet e studimit.
Ashtu si vitet e fundit matematikë-fizika, gjuha dhe qytetërimi grek, teknologjia e informacionit rrezikojnë të mbyllen nëse nuk arrijnë 10 studentë.
Bektash Mema: Janë në një numër të kufizuar studentëshdhe rrezikohet në ndonjërin prej tyre edhe frekuentimi për këtë vit akademik.
Në skajin tjetër të vendit Universiteti i Shkodrës çeli dyer për mbi 16 mijë studentë, por 700 të rinj më pak se kuotat e përcaktuara.
Nga Universiteti “Luigj Gurakuqi”, zëvendës/kryeministrja Sedina Mesi theksoi suksesin sipas saj të Reformës në Arsimin e Lartë.
Senida Mesi: Reforma në Universitet them se këtë vit ka treguar veten, besoj që çdo student që u kualifikua dhe u regjistrua si fitues e ka merituar. Më në fund prevalon meritokracia mbi çdo gjë.
Universiteti i Vlorës ka plotësuar vetëm 75 % të kuotava. Degët e fakultetit të Mjekësisë plotësuan kuotat, ndërsa degë si Fizika e Kimia nuk u hapën fare.
Roland Zisi: Është momenti për të vlerësuar situatën, ata faktorë dhe ato arsye që e kanë çuar situatën në këtë nivel.
Infermieria, Ekonomiku dhe Gjuhët e Huaja janë degët e preferuara në Universitetin ‘Fan Noli’ të Korçës, ku 4500 studentë nisën studimet në vit të parë.
Informatika, Menaxhim Biznesi dhe Mësuesia janë degët më të preferuara, në Universitetin e Durrësit ku ende janë 400 kuota të lira.
Kseonela Sotirofski: Kemi ende rreth 400 kuota të lira ende të paplotësuara që mendojmë që deri në datën 24 edhe këto kuota do ti plotësojmë.
Kuota të lira ka edhe Universiteti i Elbasanit ‘Aleksandër Xhuvani’, ku studiojnë mbi 10 mijë studentë në 87 programe.
