EURODEPUTETJA E PARË SHQIPTARE/ Astrit Patozi: Shqipëria mbërriti në Europë me Arba Kokalarin, shumë kohë përpara se të mbërrijë në stacion treni i lodhur…

Arba Kokalari, mbesa e Musine Kokalarit, është eurodeputetja e parë shqiptare në Parlamentin Europian. Ajo jeton në Suedi dhe është pjesë e partisë së Moderuar. Për këtë Astrit Patozi, kryetar i “Bindja Demokratike”, i ka dedikuar një shkrim ku shpreh krenarinë e tij për këtë ngjarje.

Postimi i plotë:

“KRENARË PËR EURODEPUTETEN E PARË SHQIPTARE!

Shqipëria mbërriti mbrëmë në Europë me Arba Kokalarin, shumë kohë përpara se të mbërrijë në stacion treni i lodhur dhe me qymyr, i nisur prej vitesh nga Tirana për në Bruksel.
Një shenjë e qartë dhe johyjnore, se ata që e kanë vonuar tmerrësisht shumë udhëtimin tonë drejt destinacionit të kombit, veçse mund ta shtyjnë duke e penguar, por nuk mund ta ndalin dot kurrë procesin jetik të integrimit europian të shqiptarëve.
Krenarë për eurodeputeten e parë shqiptare! Urimet më të mira asaj dhe familjes së nderuar Kokalari!”