Dalin pamjet e kontrollit të banesës së gjyqtarit që lehtësoi Dritan Dajtin. Bëhet fjalë për Skënder Daminin të cilet iu gjendën 17 mijë euro dhe municione luftarake në banesë.
Pak më parë, gjyqtari deklaroi se paratë ishin të të birit.
***
Çfarë deklaroi policia:
Policia e Shtetit konfirmon aksionin e ndërmarrë nga forcat speciale, në zbatim të urdhrit nr. 89, datë 14 shkurt 2019, të Gjykatës së Shkallës së Parë për Krime të Rënda, për të ushtruar kontroll në banesat e tre gjyqtarëve, të cilët zbutën dënimin e Dritan Dajtit.
Operacioni policor vazhdon edhe në këto momente, por mund të konfirmojmë se deri tani janë gjetur një sasi municioni, mijëra euro dhe prova të tjera, të cilat do të administrohen nga organet ligjzbatuese.
