OBSH në Shqipëri iu bën thirrje të gjithë atyre qytetarëve që konsumojnë duhan se tani është koha e duhur për ta lënë.
Në një mesazh në “Facebook”, OBSH thekson se duhanpirja dëmton mushkëritë dhe pjesë të tjera të trupit, duke i bërë këta persona më të cënueshëm nga infeksioni i koronavirusit.
“Duhanpirja dëmton mushkëritë dhe pjesë të tjera të trupit tuaj, dhe ju bën më të cënueshëm nga infeksioni i COVID-19. Është koha e duhur për t’i dhënë fund 🚭 duhanpirjes për një shëndet më të sigurt dhe më të mirë 💪”, thuhet në njoftimin e OBSH në Tiranë.
