Nënkryetarja e gurpit parlamentar socialist Elisa Spiropali ju drejtua me fjalë të ashpra opozitës së vendit duke u shprehur se shfqja e opozitës sot ishte një shfaqje vulgare.
Ndër të tjera deputetja socialiste u shpreh se ata që sot kakarisin për studentët dhe që i dhimbset klithma e tyre, janë ata që fshinë klithmat e protestuesve të vrarë të 21 janarit nga serverat e kryeministrisë.
Spiropali u shpreh ndër të tjera se çdo kërkesë e studentëve do të plotësohet dhe se qeveria po punon maksimalisht për plotësimin e çdo pikë kërkese që ata kanë kërkuar.
“Klithma juaj është ajo që sapo dëgjuam, pushtet, pushtet, pushtet, dhe pas meje u djegtë Shqipëria. Por sot u bë qesharake dhe u kthye në kakarimë.
Pula që keni zgjedhur në krye të partisë suaj, hodhi këtu duke treguar se ju nuk keni më asnjë shpresë, ndaj dhe ata studentë që klithin nuk ju pranojnë aty.
E vetmja opozitë në botë që protestuesit nuk ju pranojnë, jeni ju, sepse e kuptojnë që më mirë të dialogojnë me qeverinë sesa të merren me ju.
Aty ka djem e vajza se klithin se prindërit nuk kanë punë e nuk paguajnë dot shkollën, sepse shkojnë në shkollë dhe aty gjejnë injorantë që ju i keni mbjellë.
Ne e dëgjojmë dhe përulemi para asaj klithme dhe prandaj jemi ulur në dialog me ta, por ta dini që sa më shumë të klithni ju, aq më shumë do mbyllin veshët ata dhe do flasin me ne.
Është e turpshme sesi dalin lista që bursat e ekselencave shkojnë për fëmijë pushtetarësh, majtas edhe djathtas.
Endri, mos më bëj të përmend emra se bilnaci juaj del pak më i fryrë se ju keni dhe doktor shkencash.
Pushteti nuk merret me vezë”, u shpreh gjatë fjalës së saj Spiroplali.