Një 39-vjeçar i cili kishte përshtatur lokalin e tij, për të shitur drogë është vënë në pranga nga Policia e Fierit, e cila ka sekuestruar 298 doza kokaine.
Ergest Faslliaj, i cili prej disa muajsh ishte vënë nën hetim nga Policia Fier në bashkëpunim me Prokurorinë kishte përshtatur lokalin në pronësi të tij për t’ju shitur doza kokaine klientëve.
Gjatë kontrolleve të ushtruara në lokalin e 39-vjeçarit, shërbimet e Policisë gjetën dhe sekuestruan në cilësinë e provës materiale, 298 doza të dyshuara të lëndës narkotike kokainë, një sasi të konsiderueshme perzirësish për këtë lëndë, një peshore elektronike, një shumë parash të dyshuar të përfituar nga shitja e dozave të lëndës narkotike, 1 këllëf pistolete dhe 2 celularë.
