Një ngjarje e rëndë ka ndodhur në Korçë, pasi një inspektor i hidrocentralit ka humbur jetën.
Mësohet se ai është aksidentuar gjatë punën, teksa ka rrëshqitur një masiv shkëmbor.
Mësohet se viktima është shtetasi Leonard Cela, 46 vjeç.
Nga të dhënat paraprake mësohet se viktima ka rrëshqitur bashkë me një masiv shkëmbor, teksa ishte duke kontrolluar gërrmimet. Ndonëse inspektori është dërguar me urgjencë në spitalin e Gramshit, ai nuk ka mundur t’i mbijetoi plagëve të marra, ndërsa ka ndërruar jetë.
Sapo u njoftua për ngjarje, policia mbërriti në vendin ku ndodhi aksidenti, ndërsa nisi hetimet për zbardhjen e plot të shkaqeve.
Njoftimi i policisë
Më datë 28.04.2018, në Spitalin e Gramshit ka shkuar i dëmtuar shtetasi L.Ç, rreth 45 vjeç, menaxher i një kompanie në hidrocentralin e Moglicës.
Nga të dhënat paraprake dyshohet se ky shtetas, ka humbur ekuilibrin mbi një shkëmb, ku po kryente monitorimin e terrenit dhe aksidentalisht është rrëzuar nga një lartësi, duke marrë dëmtime të shumta fizike.
Shtetasi L.Ç, më pas ka ndërruar jetë në Spitalin e Gramshit.
Po punohet për sqarimin e plotë të rrethanave të ngjarjes.
